អីឡូវនេះនៅសៀមរាបមានកង់អគ្គិសនីជួលសម្រាប់ភ្ញៀវទេសចរ
ទៅលេងសៀមរាបបើសិនមានរថយន្តជិះផ្ទាល់ខ្លួនមិនពិបាកក្នុងការដើរលេងតំបន់អង្គរប៉ុន្មានឡើយ ណាស់តែទៅតាមរយៈការជិះរថយន្តក្រុង ឬ តាក់ស៊ីអីទេដែលពិបាកនោះ។ មិនតែប៉ុណ្ណោះមធ្យោបាយធ្វើដំណើរនៅខេត្តសៀមរាប ខ្លះមានតម្លៃថ្លៃព្រោះពីតំបន់មួយទៅតំបន់មួយមានចម្ងាយឆ្ងាយពីគ្នា។
តែមិនថ្វីទេ ព្រោះថាពេលនេះមានកង់អាគុយសម្រាប់ជួលជិះកម្សាន្ត នៅតំបន់អង្គរដោយមានតម្លៃធូរថ្លៃបំផុត។ ក្រុមហ៊ុនដែលបើកសេវាកម្មជួលកង់នេះ មានឈ្មោះថា Ovelocity ហើយសម្រាប់តម្លៃជួលជិះវិញ មានគិតជាមួយម៉ោងតម្លៃ ៣ ដុល្លារ, ៦ ម៉ោងតម្លៃ ៨ ដុល្លារ, ២៤ ម៉ោង ឬ មួយថ្ងៃតម្លៃ ១០ ដុល្លារ និង ការជួលជិះជាលក្ខណៈ Private Tour (ដឹកនាំដោយក្រុមការងារ) មានតម្លៃចាប់ពី ៣០ ដុល្លារឡើងទៅ។
ជួលកង់អាគុយនេះជិះ មិនបាច់ខ្វល់រឿងអស់អាគុយទេ ព្រោះមានស្ថានីយសម្រាប់សាកបញ្ចូលថាមពលជាច្រើនកន្លែង នៅក្នុងខេត្តសៀមរាប ហើយសំខាន់សាកបានដោយឥតថ្លៃទៀត។
ទាក់ទងនឹងសមត្ថភាពកង់អាគុយវិញ អាចជិះបានដល់ល្បឿន ២៥ គ.ម/ម៉ ហើយថាមពលរបស់វាអាចជិះបានចម្ងាយ ៤៥ គ.ម ពោលគឺអាចជិះទៅអង្គរវត្ត, អង្គរធំ, បារាយខាងកើត និង ជិះត្រឡប់មកហាងវិញបាន។
បើមានចំណាប់អារម្មណ៍ អាចតេកក់ទុកមុនបាន តាមលេខទូរសព្ទ ០៨៩ ៩០៥ ០៦២៕
No comments: